Kim?

Seni söýşim deýin, söýmezdi hiç kim,
İndi alyp gitdi, seni menden kim?
Aşyk saňa, gözleriňe zar boldum,
Gara-gözleriňi, menden alan kim?

Söwer ýar sözleriň, janyma derman,
El-ele degende, tapmaryn perman,
Taý ýokdyr, göz-gaşyň misli bir keman,
Seni menden alyp giden jenan kim?

Gyşymy ýaz bildim, seni söýemde,
Aňzak sowuk, doňdurmady göremde,
Demiñiň misli bahar, söýýân diýeňde,
Bahar-ýazym, elden alan jenan kim?

Akyl-huşum aldy, müşk-anbar ysyň,
Gül-çemenden bogup, beripdiň gysym,
Elden gitdiň etmân, söýgime rehim,
Müşk-anbarym, menden alan jenan kim?

Balyk deýin, ýüzjekdim men ummanda,
Gara bulut çökdi, başym dumanda,
Aýryljagyma, ýokdy mende gümanda,
Balygy ummandan, aýran jenan kim?

Söýdim seni, söýgim tapmady vepa,
Ömür boý sürjekdim seň bile sapa,
Söwer ýar janyma, saldyň sen jepa,
Mähribanym menden alan jenan kim?

Awtory:Öwlüýâgulyýewa Aýgül.