Gitdiň sen!

(Boksyñ şasy Muhammed Aliniñ ýagty ýadygärligne)

Bir agyr sportyñ täjini geýip,
Ýüreklere nagyş çekip gitdiñ sen!
Kebelek deý ýeñil uçmagy söýüp,
Ary deý duýdansyz çakyp gitdiñ sen!

On sekiz ýaşyñda dakynyp medal,
Garşydaşlaryñda goýmadyñ mydar,
Seniñ urgularña diñe Döw çydar,
Ondan galanlarny ýykyp gitdiñ sen!

Bat alyp ugranda maksat-myradyñ,
Muhammede çalşyp Marcellus adyñ,
Göterdiñ Yslamyñ bir gez şöhratyn,
Din öñünde dyza çöküp gitdiñ sen!

Diýdiñ:
“Allam berip maña keseli,
Çözdi aradaky uly jedeli.
Nomer bir men dälde, Tañrym ekeni!”
Kän günäñ astyndan çykyp gitdiñ sen!

“Kükürt çöp oduna çydamak agyr,
Dowzah ody tene, neneñsi deger?”
Ynha bu sözlerñe dünýä baş eger,
Hakykata göni bakyp gitdiñ sen!