Сен-сен дийип ах уруп, гезсем җаханы дилбер,
Сең угруңда майырдым мамаш-паханы дилбер,
Бирҗе көпүк пулум ёк, берҗек бахаңы дилбер,
Галың дийип терк этдиң, дини-сувханы дилбер,
Өз бахаңы өзүң кесдиң, якдың бу җаны дилбер.


Эҗем пахыр сең угруңда чигит сатып ыглап йөр,
Какам пахыр ярмаркада алып-сатып йыгнап йөр,
Өйленмедик бәш иним бар, олар муртун яглап йөр,
Гүнде-гүнде унаш ичип ичегесин даглап йөр,
Чыра якман тыгшыт кыляс, отуряс түмде дилбер.


Списогңы гөрен бада эҗем пахыр чашыпдыр,
Өйңүздәки ач сиңеклер оң эрнине үйшүпдир,
Болупдыр бир башагайлык, гоңшы-голам сүйшүпдир,
Якаларна түйкүршип, “Тоба-тоба!” дийшипдир,
Нәме, кастың бармыды эҗем пахырда дилбер.


10-җа саны помбархыт, 10 кримплин сымланан,
10-ы “гырав”, “гурултай”, “самолётдан салланан”,
10 “трикотин”, балак йүп, 10-җа тахя гүлленен,
“Әбермесең айрылышҗак”, 10 “сандыкда сыгыран”,
Херсем 100-ден аңырда, как же я куплю дилбер?


Карз пул дийип чарх уряс, гезйәрис оба-оба,
“Помбархыт бармыш!” дийип турист гитда Львова,
Подмосковйә, Одесса, Трускавеце, Тамбова,
Ленинграда, Рига, Краснодара, Пскова,
“Кулхувалланы” ленч эдйәс, тутулман гелсин дилбер!


Ят болды манты, палав, иййәнмиз шуррук чорба,
Бир агзыма гара нан, ене бирине ярма,
Инди халыс етдирдик биз, херимизде бир торба,
Чакыр сүңке өврүлдик биз, гөренлер кыляр тоба,
Әпет гөврәм кичелип, болдум сүңклет дилбер.


Какам пахыр өлүп галды, гарры били эпилди,
Эҗем эшитмесини гойды, саг гулагы гапылды,
Дамакгандан әтлән ялы какын-силкин тапынды,
Менем өзүми асҗак, тапсам ёгын йүп инди,
“Галың үчин өлди” дийип газъетде чыкар дилбер!


Галың дийме, ятайын гуррук гуйы-ямада,
Зарпа ылгап чыкайын еди этаж тамада,
Плавкалы гидейин 40 градус БАМ-ада,
Маймын ялы гезейин, пәки урман түймеде,
Рехим делай, чёрт возьми, сколько можно, дилбер?!

Дагдан дашы даша дийсең, дишләп-дишләп дашайын,
Ашагыма йоглар ялы 100-лик чүйден дүшәйин,
Зынҗыр билен багласалар, шонам кертип бошайын,
Нан ерне пластмасс бер, хакыт шонам кушайын,
Ода гачан гыл ялы мүршерип галдым дилбер.


Хочеш, пойду брошусь, йүкли отлың өңүне,
Дийсең пешком поднимусь, Самаркандың диңине,Парлы банядан чыкып, бөкҗек сувуң доңуна,
Гаплаң загырдар дурар, окласалар өңүме,
Сама будешь виновата, мен оны ийсем дилбер!


Сен товар дәл, мен – алыҗы, зачем меня мучаешь,
Наны агзымдан иййән, сенем шондан кушаешь,
Сөйги сатын алнанок, ты что-то путаешь,
Чекер ялы болан дәлдир, мен гарыба яшайыш,
Лучше будеть так өйленсек, к чёрту калым, дилбер!


Эгер индем ёк дийәйсең, аларын мен Машаны,
Түркмен чорба хөкманмы, буду кушать кашаны,
Орс молласы ника гыяр, нәмедейин ишаны,
Бир голтукда Машаны, бейлекиде Мишаны,
Гысып ятҗак гуҗагымда, таким образом дилбер.


Соң дул галсаң менден гөрме, еке көпүк барым ёк,
17-нҗи йылдан бәри, зарым бар-да, зорум ёк,
Сен болмасаң гөвнүм аглар, өзге билен угрум ёк,
Асман-земин арасында сенден башга ярым ёк,
Рехим эйле, түкгертме, Аман Сарыны дилбер!