Sen men üçin belentdiň
Arzuwlamda ýer etdiň
Kän ýoluň seretdim
Görünmediň , gelmän geç !

Söýgi deňzinde gämim
Labyr atypdy häli
Joşup urundyň däli
Aklyňa aýlanman geç !

Hiç goýmadyň mejalym
Diýen etmez keçjalym
Ezraýyl bolsaň janym -
Al diýerdim , alman geç !

Sendiň maňa em bolýam
Bir sen maňa kem bolýaň
Goşgy ýazdym hiňlenýän
Saza goşup çalman geç !

Durnalaň - ýok mekany
Terk eýlediň ülkämi
Ýazjak bolma öýkämi
Indi meni söýmän geç !

awtor : Şanazar Hydyrow