Kakaňdyr.

Gyz-ogul parhy ýok,mährin siňdirjek,
Ýeri gelse haýbatlajak kakaňdyr!
Näçe gaş çytsada ýüziň güldirjek,
Şeýdip edep berjek,diňe kakaňdyr!

Ýelden-suwdan seni gorap saklajak,
Aç galmagyn diýip,gije ýatmajak,
Arkasynda agyr ýükler daşajak,
Haramdan daş tutjak,diňe kakaňdyr!

Ogul abyraýyn belentde tutjak,
Gyzym diýip,namys-aryn saklajak,
Dil ýetirse biri,dilin sogurjak,
Sözini ýöretjek diňe kakaňdyr!

Awtory:Öwlüýägulyýewa Aýgül.