Dogry ýoly göreý diýseň
Giç bolmanka, namaz oka!
Magşar güni ýeňeý diýseň
Giç bolmanka, namaz oka

Aýlanyp dur - Çarhypelek
Toba gelgin, etme telek
Bagt çagyrýarka bäş gezek
Giç bolmanka, namaz oka!

Yhlas et, böwet çatlasyn
Päk niýet çüýräp ýatmasyn
Ýeňip şeýtanyň was-wasyn
Giç bolmanka, namaz oka!

Bolsa-bolsun durmuş kemi
Dileg et, aýtgyn "Elhemi"
Dertli kalplaryň melhemi
Giç bolmanka, namaz oka!

Okasaň farzy, sünneti
Sendedir dünýäň gymmaty
Eý, Muhammediň ymmaty
Giç bolmanka, namaz oka!

Kimki dogry, kimki nogsan
Ömriň birgün bolar ýegsan
Unutman parzyňy ynsan
Giç bolmanka, namaz oka!


@ylham_gurbanaly