Bakydygyna ynandym men zeminiň
Bilen wagtym onuñ kalbydygyny.
Aýsyz gijeler hem öçürip bilmez
Gözleriň yşk doly ýagtylygyny...

Türkmeniň ruhy medeniýetinde yşk hem-de söýgi diýen belli - belli many halatlarynda biri - biri bilen doly gabat gelýän hem bolsa olar , umuman tapawutlanýar. Yşk düşünjesi özünde juda çuňňur duýgy täsirliligini saklaýanlygy bilen tapawutlanýar. Yşk - adamyň ruhy kämillik derejesidir. Yşga düşen adam ýaşaýşyň we ömrüň manysyny gözleýändigi , dünýäniň manysyna meşgullygy bilen tapawutlanýar.
Yşk- göwniçökgünligiň , lapykeçligiň we umytsyzlygyň ganym duşmany.
Yşk- ruhubelentligiň ýarany ganaty.
Yşk- ýaşaýşyň energiýasynyň iň ýokary derejede ýüze çykmagy.