Gel diýse zar berjek uzak menzilleñ,
Dogumlylyk bilen kalbyny diliñ.
Hiç zat bahasyna ýetmez şo günleñ,
Ejeli ýyllaryñ gadryny biliñ...!

Dertlere derman kän, emma barysy,
Ýerini tutup bilmez mähriban eliñ.
Ýitmesin diýseñiz ömrüñ manysy,
Ejeli ýyllaryñ gadryny biliñ...!

Bar wagtynda sylañ, bar wagty ogşañ,
Soñ öpseñde geçmez toprakdan demiñ.
Tämiz didesinde galmasyn nogsan,
Ejeli ýyllaryñ gadryny biliñ...!
Eneli ýyllaryñ gadryny biliñ...!