Durmuşda özüňi belentde tutma
Sen näçe pes bolsaň şonda beýiksiň.
Mätäç adamlary sen gyta itme
Gaýta kömek etseň şonda beýiksiň.

Öwünme jüwimde pulum kän diýip
Ýada ellerimde ulag bar diýip
Men baý a sen bolsaň garypsyň diýip
Kowmasan garyby şonda beýiksiň.

Eliňden geläýse birje ýagşylyk
Ýagşylyk et Allam berer garşylyk.
Durmuşyň ýollary bize tabşyryk
Ýagşylyk etseň şonda beýiksiň.

Bu dünýä bäş günlük her kim gitmeli
Iň soňunda bu dünýäden ötmeli
Ötmänkäň adyňy goýup gitmeli
Ýagşyda tanalsaň şonda beýiksiň....