GÜWÄ

Nähili owadan, reňbe-reň dünýä –
Göwnüm onuň bir intizar durnasy!
Dünýäň juda gözel ýerdigne güwä,
Adamlaryň ony bir görmek üçin,
Nobata düzülip gezek-gezegne,
Bir-birin tiz-tizden çalşyp durmasy...

Biparh goýmaz öz gujagna ineni,
Göçgün serim bu jahanyň sermesti.
Juda gymmatlydyr ömür diýleni,
Ýogsam, ony bitin bererdi Alla,
Ýetirjek bolýan deý ähli adama,
Bir günden-bir günden bölüp bermezdi...