Üns berýän bolsaňyz, multfilm gahrymanlarynyň köpüsi sary reňkdedir. Meselem, Simpsonlar, Minionlar, Gubka Bob, Batters, Winni Puh… Bu näme üçin beýle? Munuň hikmeti nämede?
Birinjiden, reňkleriň hem psihologiýasy bar. Bilseňiz, sary reňki gowy görýän adamlary köpçülikde tapawutlandyrmak aňsat bolýar. Ol döredijilik bilen meşgullanýan adamlary özüne çekýär. Bu reňkiň animasion şekillerde köp ulanylmagy hem ýönelige däl. Sary reňk multfilm gahrymanlaryna käbir mahsuslyklary – gahrymanyň içki guwanjyny, batyrlygyny we işjeňligini aýdyňlaşdyrýar.

Ikinjiden, sary reňki başga reňkler bilen çalşyryp bolmaýar. Meselem, gözleriň reňkleri seljerip bilmezlik ýagdaýynda. Hut şu sebäpden-de, taksi, duýduryş belgileri ýaly gözüň görmegi zerur bolan närseler we başga-da ençeme zatlar sary reňkde tapawutlandyrylýar.