Uzakda bir aýal garaşýar maña

Uzakda bir aýal garaşýar maña,
Ýatlamasa asla oñup bilenok.
Göresi gelende aglap bir pursat,
Maña bagt dileýär, „özüm” diýenok.

Ol gaty ynanjañ, güýz ýaly sada,
Utananok saçlarynyñ agyndan.
Utanýar özüni günäli duýup,
Meñ wysal bolmadyk arzuwlarymdan.

Bar zatdan habarly, göýä, men onuñ
Aýnada gören deý aýan elinde.
Iýende, geýende aýyryp paýym,
Akla ýuwundyrýar ýeri gelende.

Uzakda bir aýal garaşýar maña,
Sabra ejizligin bildirmän hijem.
Ýyllaryñ gözünde garalyp barýan -
Ol meniñ EJEM!

Enwer Nyzamow