Ýaşaýyşda bir kanun bar, ýaşamak,
Galan zatlaň bary gelşine görä.
Bolup ýörseň ýel ugruna ýelgamak,
Ugradyp göýbärler gelşiňe görä...

Garga saýrap bilbil bolmaz asyl-ha,
Ruhy ejiz kynçylykdan basylýa.
Söz ýürekden çyksa gulak asylýa,
Akylam bermeli alşyna görä...

Dana kişi bizar etmez özünden,
Dürün tirer sözüň köpi-azyndan,
Habarly bol tomus,gyş,güýz,ýazyndan,
Boluber ynsanlaň bolşuna görä...

Aldanma şelaýyn ýylgyrsa biri,
Görip adam özün ýakýandyr diri,
Üşüksiz aň-aşyk, bolsa-da iri...
Kenegiň agramy gurşuna görä...

Diýrler uzak güler ahyrky gülen,
Oýun etme adam duýgusy bilen.
Ýazgytda ne baryn Ýaradan biler,
Göwnüňe jaýlaber bilşiňe görä.


Gülşirin Hanowa