Käteler şeýle bir gyýylýar göwnüm
Özünden nä razy görünýär ömrüm.
Pes päller bet päle edipdir öwrüm
Bizem şol nogsana goşluşyp barýas.

Tapyldy haýadan ara aşjaklar
Däp dessury basyp geçdi paşmaklar.
Bir mahal syryldy syrly ýaşmaklar
Ah, aslymyz bilen hoşlaşyp barýas.

Hakykatdana biz Juda uzakda
Salamada ýer galmady gulakda.
Ynsap barmy nebis diýen duzakda
Nirädir howlugyp haşlaşyp barýas.

Gündüzä metjitde giýje ýoldalar
Şu matala jogap boldy Mollalar,
Meseläñiz bir mahala gozgalar
Diñe hyrçymyzy dişleşip barýas.

Etmişlerni aýdyp bilmän ýamanyñ
Düşdük ahyr girdabyna ýalanyñ.
Geliñ ynsanlarça boýun alalyñ
Biz birek birekden daşlaşyp barýas.