“Мы в жизни любим только раз, а после ищем лишь похожих” С.Есенин

Pessaýja hiňlenip aýdym aýdardyň,
Sesiňi çykarman diňlärdiň şygyr.
Şol ýuwaşja aýdan aýdymlaryňam,
Saňa goşgy diýip aýdanlarymam
Ýatlamak, ah, häzir şeýle bir agyr.

Ýatlamadan göwnüň gönenmeýänin
Bilsemem, ýürege ýetenok erkim.
Ýogsa, seniň aýdan aýdymlaryňy
aýdaram,
goşgymy diňlärem her kim.

Bagryň badaşanyň bagtyňy görmän,
Bagtyňa keýpine sogan dogrady.
Mamla ol, men seni ynjytdym ençe,
Ýöne kalpdan söýýänimem dogrudy...

Gün geçýär, ýaralar könelýär, derdem,
Göräýmäge, barýan ýaly ýeňleşip.
Şunça wagtda sataşmadyk bir gezek,
Ýa gözläp ýörmüsiň maňa meňzeşi?!

Sapa Hommadow