violinist
06.04.2022 10:15
Eliň tutup gürleşesim gelende,
Her kişi ýarynyň waspyn söýlände,
Meňem saňa birleşesim gelende
Nirede bolduň?
Tokaýlyklar öreninde saçyny,
Saçlarymyň örülesi gelende,
Arzuwym sygmansoň janyň içine,
Ýüregimiň ýarylasy gelende
Nirede bolduň?
Çarpaýa galanda wepaly bedew,
Ýakynyňda duýulasym gelende,
Saňa wepam doly gursagmy açyp,
Ah, şeýle bir söýülesim gelende
Nirede bolduň?
Ýaşyl otlar gurşanynda daşyňy,
Ömrüm saňa duşurasym gelende,
Goýara ýer tapman ýalňyz başymy,
Diňe saňa gowşurasym gelende
Nirede bolduň?
Geldiň bu gün, gözüm üste ornuň bar,
Ýok wagtyňam goşa didede bolduň,
Ümsümlikde, gara gijede bolduň,
Ýöne saňa juda mätäç mahalym
Nirede bolduň?
Suraý BABANYÝAZOWA
