Mähirlije garaýşyñ bar,
Alma ýañak, boýuñ derek.
Señ tarypyñ etmeklige,
Aýdylmadyk sözler gerek.

Edebiñ-ekramyñ bilen,
Sülmiräpjik näz edýärsiñ,
Bir bakyşda göwünleriñ,
Ählijesin ýaz etýärsiñ.

Wah! Bir beýik şahyr bolsam,
Waspyñ sözläp ynç alsadym,
El degmedik ter gülleri,
Bir seniñ üçin ýolsadym.

Kemsiz Gözel ýok diýýäler,
Emma dokuzyñ düzen sen,
Men-ä tapmadym kemiñi,
Ynan bir kemsiz Gözel sen.


Awtory:Baýram Bejidow