Sagat 12 boldy uklanok şindem
Bu wagt köp adamlar uka gidendir
Diñe bir adamy men anyk bilýän
Şol adam gözünem gyrpman ýatandyr.

Ol adam kimkän diýip oýlanansyñ sen,
Ol iñ mähriban ynsan eger sen bilseñ.
Gijesine rahat ýatyp bilenok.
Belki bu zatlaryñ günäsi sensiñ.

Eje uzak gije gözlerin ýumman,
Perzendi hakynda alada eder.
Oglum akylly bol bitertip bolma,
Diýip daşda bolsa günde jañ eder.

Şu wagt goşgyny ýazjagam däldim
Ýöne ejem düşdi birden ýadyma
Olam ýöne ýerden däldi elbetde
Bir zat bolsa ejem ýetişerdi dadyma.

Ine şeýle ýagdaý edil şu wagt
Elime demlän çaýym ýyklydy
Birdenem ejemjan ýadyma düşüp
Gözlerimden hasrat ýaşy döküldi...