JOGAPSYZ HATLAR

Jogapsyz galdyrlan hatlarym bir gün,
Üýşerde ýadyñda bir bõlek bolar,
Her sõzüne duýgularym garylan,
Ýõne hat däl, ýürek habarym olar.

Belki ýyllar geçer, günlerde bir gün,
Saña hat gelmesi kesiler birden.
Meñem ýañaklarym õwüsmez gülgün
Hemem aýna garap doñaryn birdem.

Ellerim aýrylyp ysgyn mydardan,
Hyllalla bor saçlarymyñ timary,
Bir wagtlar aýna baksam gõrerdim,
Gõreşden doymadyk, yşkdan bimary.

Ine, şeyde bir gün kütelşen ýadym,
Kütelşen gõzlerim, ysgynsyz ellem.
Panyda bar zada biparh bolarlar,
Arman, ýüregimi çalşyryp bilmen,
Birem saña hat ýazmagy oñarman!