Biz bir uly ýola basdyk ädimi,
Yşk bi,
munda biziň yzymyz galar,
Birdenkä parhlyrak tutsam adyňy,
Sen meni gaban!

Gözlerim gözleňden del ýere baksa,
Anykla serimde nämeleň baryn.
Öýkele, özüň bir bahana tap-da,
Sen meni gaban!

Ýollar bölünmesin sol bilen saga,
Goý, bile geçeli menzilleň baryn.
Şirin-şirin sözler aýtmasam saňa,
Sen meni gaban!

Sen maňa wada ber yşkyň öňünde,
Mydam beýik söýgiň bolsun köňülde.
Dirikäm ömürden,
Ölsem ölümden,
Sen meni gaban!


Aşyr Hanow