Garly gün
Köz galdyryp gursagynda bu gijäniñ
Sen gidip barýarsyñ: Salgymdeý galgap
Şol pursat jigerim jigledi bijaý
Bir demde üýtgetdi reñkini bar zat...
Señ yzyndan garap durun heýkel deý
Ne-hä soragym bar ne-de haýyşym
Ýöne gören çagym biçak örtendim
Taýgançak ýodada öñkiler ýaly
Daýanara meni tapman taýyşyñ...
"Ýollaryñ ak bolsun" diýýän deý asman
Henizem seçip dur ap-ak garyny
Menem mydam ak ýol diläpdim saña
Men nirden bileýin täsin durmuşda
Käte ak ýollañam taýdyrýanyny...