Özüň günäkär

Saýladyň maşyny baýlygy puly
Men bolsa bolypdym söýgüniň guly
Bagta ters ýörediň ýalňyşdyň uly
Ýalňyşanyňa janym özüň günäkär

Lebizim lebizdi wadamda wepam
Sözüne ynandyň bir gany hapaň
Dowzahyň bölegi çekýänje jepaň
Çekeniňe janym özüň günäkär

Izadan elimi özüň tutmadyň
Toý ýeriňi uzak ýerden gutladym
Git diýen güniňi hiç unutmadym
Diýeniňe janym özüň günäkär

Indi garap aglama her dem
Seň derdiňi deň çekýär bu ejiz gerden
Başga bilen gaýtdyň bu arzyly ýerden
Gaýdanyňa ýarym özüň günäkär...