Bir-biregi tanamzogam üýtgeşik,
Ýakyndanam görmändik ýol öterlik.
Emma seni görmek asla gerek däl
Kalbyň gördüm, maňa şolam ýeterlik.

Ýaşymyzyň tapawudam möhüm däl,
Mydam gabat gelse içki dünýämiz
(Öte geçip aýdýandyryn öýdemok,
Başdan meňzeş döredilen dünýä biz.)

Söýen ýürek rahat urup bilermi,
Sen uzakda gözleriňi ýaşlasaň?!
Bilgin, mende geljek sary umyt bar
Ejizligi ýola çykman taşlasaň.

Süýji sözler, süýji arzuw edeli,
Ajy sözler kalba neneň çümmejek?!
Men saňa dagdan beýik bagt bermekçi
Senem ynam berseň birje çümmüjek...