Ak süýdüň gymmatyn nämä deňäýin,
Nämäni goýup bor mähriň deregne
Daglary deňesem owranyp gider,
Agyr günler mizemedik ýüregňe.

Ýaşap göz ýetirdim bir hakykata
Seniň ýok ýeriňde minnet bar, eje,
Şol minnete duçar etmediň meni
Eliňden öpeýin minnetdar eje.

Ne gazanan bolsam seniň bilendir,
Saňa bagly beýikligim, pesligim.
Bir söz diýmekligiň wagty gelendir:
"Sen Alladan soňky mukaddesligim!"