Zerurlyk
Meniñ al-asmana uçasym gelýär,
Ganatlarmy ýaýyp, kakyp pelesañ.
Bulutlardan añryk uçasym gelýär
Diýseler-de: "Uçup bilmez kelesañ".
Ýa-da, uçjak -
bolup bilsem eger-de,
Iñ añyrbaş uçarlaryñ kysmyndan.
Gonjagam däl başym göge degende,
Keýpden çykjak, tä gaçýançam ysgyndan.
Dogrusy,
uçasym gelse-de, gorkýan
(Görüñ-ä bedenmiñ gagşaýanyny).
Ýöne meñ barybir uçmagym hökman
Gizlemeklik üçin agsaýanymy...
BAKY AMANÝAZOW