Adam men, ýalňyşym bilen söýmeli,
Jennetde päk biten gül bolup bilmen.
Ýigrenýänler bar diýip ne üçin köýmeli,
Hemmä ýarar ýaly pul bolup bilmen.

Baý däl, bagtlyny ýüzüme syldym,
Başarsam mert bolup gözlere ildim.
Men diňe bir güýje gul bolup indim,
Ynan özgelere gul bolup bilmen.

Ynsan pes-päl bolsa ýeňjegi hakdyr.
Kalbymyň gymmaty çen bilen çakdyr,
Süýem barmagyňy ýokary baldyr,
Men ana diňeje şol bolup bilmen.

Kerim Hallyýew