..............

Bizar boldum telefonyň jaňyndan
Oglumy gününe goýuň siz gyzlar
Jyňňyrdap başlaýar günüň daňyndan
Oglumy gününe goýuň siz gyzlar

"Söýýän" diýip ony oda salýaňyz
Söýeňzogam söýen kişi bolýaňyz
Gaş kakyp, göz gypyp aklyn alýaňyz
Oglumy gününe goýuň siz gyzlar

Agşama howlugýar sagadyn belläp
Duşuşanda berjek sowgadyn telläp
Käte urulyp gelýär dodagyn sallap
Oglumy gününe goýuň siz gyzlar

Ugruňyzda entäp gije giç ýatýar
Düşünde samyrdap adyňyz tutýar
Ukudan doýmanka ýene daň atýar
Oglumy gününe goýuň siz gyzlar

Gijeler çagyryp bagyň çetine
Ýardyrýaňyz goňşyňyzyň itine
Käte bolup gelýär gyzyl etene
Oglumy gününe goýuň siz gyzlar

Eşdiň gyzlar hijiňizem aljak däl
Gelin edip işigimden saljak däl
Balajygymy öýeräýmesem boljak däl
Oglumy gününe goýuň siz gyzlar.

??????