İr sagat 7:00, şowly duşenbe,
Sämän serim säher ýaly durlanan.
Daş işikde sazyn çalýar daň şemal,
Radioda-da "Durnalar"....

Guşlaryň däl, işe sary haýdaşýan,
Gulaga hoş ýakýar adamlaň sesi.
Edil şu ahwalda, edil şu günde,
Säherler döredýär ertä höwesi...

Täze güne gadan basan dünýäni,
Görmeseňde duýmak juda lezzetli.
(Meğer, sähel zada beğenmek üçn,
Durmuş meni -
Polýannanyň ykbalyna meňzetdi ...)

Başujuňda Kakaň otyr. Güneşem,
Gözlerine öz nuruny çaýypdyr.
(Şugün ol özüni iň bagtly kaka,
Menem iň bagtly Perzent saýypdym.)

Günlerime gözün dikýän täleýim,
Nazaryňy uzaklarda egläber..
Ýogsa-da gel.
Ýöne entek kakamyň,
Şu günki deý säherlerne degmäwer..