GOŇŞYŇY GOZGASAŇ, GÖÇER
Goňşy-goňşyňka gelip –gidip gadyrly gatnaşyp gezmegem gowulyk . Goňşular Garlydyr Genjim göçüp gelen günlerinden gowy goňşuçylyk gatnaşygyny goýman gatnaşansoňlar gelinleri Gülşatdyr Gülnaram goňşy goňşyňka gelişip gidişip göwündeşgatnaşýardylar . Gelmän geçen Gummatlar gabatlaryna göçüp gelensoň goňşularyň günleri galapyn goh -galmagalda geçdi . Gummadyň gelni Gurbantäç günuzyn gep gezdirip , gep-gybat gözläp gezdi. Günde-günaşa goňşularyna gykylyklap gününi goh-galmagalda geçirdi. Gözleýäni goh Gurbantäç galmagal galdyryp goşularyna gygyranda goňşulary gidişip gygyryşsalara Gurbatäjiň güni gelip günuzyn gohlaşsaňam gohdan gaçanok . Gohlaşmany gelişiksiz görüp gep gaýtarman gygyryşman gaýtsaňam gohuny goýman gaýta gitdigiçe gaty galmagal galdyrýar . Goňşy gezeňsoň gaçyp gazmyna gitjekmi , garaz gündelik günüňi goh-galmagalda gygyryşyp geçirmelide. Gummadam gelniniň goňşularyna gygyryp gohlaýanyny görsede görmediksiräp gelnine gaýtawulam görkezenok garşysynada gidenok .Gummadyň gylygyny gaty geň göräýmeli , gelni gygyryşyp goňşularynyň gapysyndan garamasada Gummat goňşuçylyk gatnaşygyny goýanok . Gelni gygyryşsa-gygyryşmasa galaba giçlik gyzy Güljäni gapdalyndan goýman gezekli-gezegine gezekleşdirip goňşularayna gelýär . Gelni gohlaşansoň Gummat gapylaryndan gelende gowy garşylaman geldi-geçer garşylasalarda Gummat gatyrganmakdan geçen gaýta gazanyň gulagynyň gyzýandygyny göräýse güýmenjiräp garnyny göjemän gidenok . Gepimiz gury gelmesin. Geliň Gummadyň gelni Gurbantäjiň goňşusy Garlynyň gelni Gülşada gygyryp galmagal galdyryşyna gulak goýalyň .Gününi goh galmagalsyz geçiresi gelmeýän Gurbantäç goh gözläp gapdallaryna geldi.Gapdallarynda gezmeläp goňşusy Gülşadyň görünerine garaşdy . Gülşadyň garasy görünenden Gurbantäç Gülşada galtap gölesine gargady---Gylygyň gursun gysyr göle, garaňy görsem gaharym gelýär .Gaçgyny goh Gülşat görgüli gep gaýtarman gaýtsa-da,Gurbantäç gününi galmagalsyz geçiresi gelmän gohlaşamagyň gamyny gözledi . Gurbantäç gapdallaryna garanjaklady-da,gulajyn gölesiniň gazygyny gowşadyp gapysyna garşy gitdi . Gurbantäç gidensoň göle gazygyny goparyp Gülşatlara garşy göneldi . Göle Gülşatlaryň gögerip gelýänje günebakar gämiklerine geçip gämikleri gögermeze getirdi. Gülşat göläniň gezmeläp gämikLeri guma garyşyny görüp gynanmak gynandy . Gyssanmaç göläni goňşularyna garşy gaýtaryp Gurbantäçleriň gapysyna geldi . Gülşat gylyksyz Gurbantäjiň gohlamagynda gorkujyna gypynçly gepledi .- Gurbantäç göläňiz gazygyny goparyp gämiklerimize geçäýipdirdä.Gurbantäjiň göhi geldi .- Gapymdangelipgowygepgetireniňegabatgelipgöremmok, geçse-geçipdir-dä.Gurbantäjiň gaňňasyny gyşardyp gepläninden Gülşat gep gaýtarman gaýtsa-da,Gurbantäç gohuny goýman gapdallaryna geçip gohlap gygyrdy .- Geleniňe görä gaçma-da, gel gaý ratyňy görkez-dä . Güjügiňiz Garabaýyň gyzym Güljäni gorkuzany gözüňe görünmäm, gölämiziň gämikleriňize geçeni görünýärmi? Gümüňe git gaýdyp gapymda garaň görünmesin .Galmagalçy Gurbantäç gykylyklap goýmansoň Genjimiň gelni Gülnar geldi .- Gyw Gurbantäç gohuňy goýaý-a,gaty gelişiksiz ,görenler geň görerler.
Gazaba galan Gurbantäç Gülnara-da gyzaryldy .- Gohlaman gatam gohlaryn,goh gözläp gapyma gelmesin ,geçirip-geçirip geçirerligim galmady . Gowysu Gülnar goşulma-da gitsene .- Gülnar gaýdyp gepläýse Gurbantäçden gowy gep gaýtmajagy Gurbantäjiň gyzarylyp gykylyklap gepleýşinden görünýärdi . Gülnar-da goluny galgadyp,gep gaýtarman gidensoň Gurbantäç gapysyna gelip galmagallap gygyrdy .- Gummat gel-ä,gyşa goýan gamyşymy gutarmanka göläni gabaly .Gummat göläni gazyklap gelip gelni Gurbantäji gorjady .- Gurbantäç gohuň göwräňden goçak,galmagalyň gaty güýçli geldi-le .- Gölämiz gämiklerine geçensoň Gülşat geldi-le , geçiresi gelmese,garantga goýup goraglap gezsin-dä. Gykylyklap gözlerini gorkuzaýmasaň gaty gidýärler .Gykylyklap goňşularyny gaçyranyndan göwnihoş Gurbantäç gaýşaryp gapysyndan girip gitdi . * * *Garly Gowşutbentdäki gatla gündelik gündüzine gözegçilige gidýärdi . Gözegçiliginden gijöýlän gaýdyp gelip gapydan gireninden gelni Gülşat Gurbantäjiň galmagal galdyryp gohlaýşynyň gylyny gyşatrman Garlynyň gulagyna guýup gyjalatly gepledi .- Günuzyn göwnüm gysylyp gezdim Gummady getirdi gaşba-gaş gürleş . Gelnini gapyldyraýmasa gaýdyp gapyzymdan gelmesin .Garly gelniniň gürrüňlerine gulak goýup gelnine garşy gitdi .- Gapyňdan geleni gapyňdan göýbermän getirmezlik gaty gelşiksizlik, Gummady gelýärkäm gapdallarynda gördüm , gülüşip gadyrly gepleşdik . Gummat gowy-la,gelniniň gepine gidip gatnaşman gezenoga, Gurbantäjem gohlap-gohlap goýarda , gahary gaçyşýança gaçarak gezäýerler .Garlydyr Gülşat gürrüňlerini gutarmanka gapydan Gummat girdi .Geň göräýmeli Gummat gyzy Güljäni goýup gaýdyp getirmändir . Gurbantäç göýbermedimikä ? Gyzyny göýbermesede Gummada goýberipdir. Gummat gelniniň goýberenine –göýbermänine garaman gaýdandyr . Gummat Garlyny gatladan gelýärkä görendigine garamazdan gapydan girişine gadyrsyrap gaýtadan görüşip gürrüňe girişdi .- Goňşular geleňsizligimizden göl ämiz gämikleriňize geçäýipdir-dä, gaty gynandym . Gurbantäjiň gölämizde günä goýman gohlap gygyranyna gaty görmäň , gelip–gitmeliräkdä . Gölämizem güýz gelýänçä guzlamasa gassaba geçirjek .- Gummat gelinleriň gohuna goşulman gapymdan geleniňem gaty gowy . Gämikler gümüne gitsin , göle geçmände-de günebakar goşa gulak gögeripgörünenden gögerçin goparybam galmaga goýanoga . Gummadyň gepine gulak gabardyp Garlynyň gaty-gaýrym geplemezligi gaharyndan gowşaşan Gülşadyň gaýtadan gaharyny galdyrdy .
- Gelinleriňiz gygyryşyp , gemrişip gezselerde goşulmadyksyrap gezeniňizi gowy görýäňiz-dä. Gurbantäç Genjimiň gelni Gülnara gygyryp görsün. Genjimiň gelinleriň gohuna goşulýanny –goşulmaýanny görersiňiz . Gurbantäç gaýtmyşyna gelip gülala-güllük gowy gatnaşmasa Gummadam gatnaşman geçsin .Gülşat gyjalata galyp gaharly gürlänsoň Gummat gyssanmaç gaýdanyny gowy gördi .- Garly, Gülşat goňşyň gaharyny gaty galdyrmankam gideýin .- Gyssanmasana goňşy garbak- gurbak garbanaly gidersiňdä .Gülşat garbak-gurbak getirmekden geçen gaýta gaharlanyp gepe goşuldy .- Günortanlyga gaýnadan gaýnatmamdan galan galak-gaçak galyndydan getiräýmesem-ä Gurbantäjiň gohuna ganymy gyzdyryp garaçorba gaýnatmagada gymyldasym gelmedi .Gülşat gapyny gürpüldedip gidensoň Gummadam gozganjyrap galdy-da,Garla garap gtjekdigini gaýtalady .- Goňşy gideýin, gün gyzaryp galmanka guma „Giň guýy“ goşa goýun gyrkmaga gyrkyma gitmeli .- Gitseň gyrkymdan geldigiň gelginiň , gatyrganyp gelmäňi goýaýma .Gördüňizmi ? Gummadyň gelinleriňgohuna goşulman , gatnaşygy goýman goňşularyna gelsede Gülşadyň gaharlanyp geplemegi , gapyny gürpüldedip gitmegi , galybersede goh-galmagalyň galmagyna gelni Gurbantäjiň günäkärligi giňgöwünli Gummadyňam güýmenmän goňşularyndan gaýtmagyna getirdi. Guwanç ly gowy günlerde guwanjyňa guwanýan , gynançly gamly günüňde gynajyňa gynanýan goňşynyň gerekdigine garamazdan gep –gybata gulak gabardyp goňşyçylyk gatnaşygyny goýup gatnaşman gezýänlerede gynynsak-da gabat gelinýär . Goňşuçylyk gatnaşygyndan gozgan gürrüňlerim gutarmanka goňşy-goňşa goňşokara gatnadyp , goňşy goňşyňka gelip gidip gadyrly gatnaşyp gezmegiň gowulykdygyny guwançly günlerdede gynançly günlerdede goňşynyň gerekdigini gaýtalasym gelýär .Geliň goňşularymyza gadyr goýup gadyrly gatnaşalyň .
Murgap etrap Medeniýet merkeziniň Usuly bölüminiň müdüdi : Gurbangeldi Miralyýew