N.T.
15.01.2022 14:30
Beýik Britaniýanyň Şa zenany Ýelizaweta II-niň tagta çykmagynyň 70 ýyllygy bellenilip geçiler. Bu dabara mynasybetli harby ýöriş, dürli konsertler, ýaryşlar we beýleki çäreler gurnalar. Däbä görä, bu dabaralar “Platina ýubileýi” diýlip atlandyrylýar. Ýelizaweta II 1952-nji ýylda, 26 ýaşyndaka tagta çykypdy. 6-njy fewralda onuň tagta çykanyna 70 ýyl dolýar. Bu mynasybetli ýylyň dowamynda dürli dabaralar, 2-5-nji iýun aralygynda bolsa esasy dabaralar geçiriler.
Harby ýörişe 1400-den gowrak esger, 200 at we 400 sazanda gatnaşar. Dabaralar diňe Angliýada we onuň deňizden aňyrdaky territoriýalarynda däl, eýsem britan milletler arkalaşygyna girýän ýurtlaryň paýtagtlarynda hem guralar. Baýramçylyk dabarasynyň çäklerinde Şa zenan özüniň maşgala agzalary bilen at çapyşygyna hem tomaşa eder.
Şeýle-de Bukingem köşgünde dünýä belli aýdym-saz ýyldyzlarynyň konserti guralar. Bu konsert BBC teleýaýlymy arkaly tomaşaçylara ýetiriler.
Ýelizaweta II ýurduň taryhynda uzak wagt tagtda galan hökümdar bolup, 2014-nji ýylda uzak wagt tagtda bolan Şa zenan Wiktoriýadan ozdurypdy. Şa zenany Wiktoriýa 1837-1901-nji ýyllar aralygynda tagtda oturdypdy.
