Teklip...

Ýel bozmanka yzlarymy ýodadan,
Küýsäp çalt gürsüldär, sabyrsyz gursak.
Aýralygyñ adyn aýryp modadan,
Söýgülim tiz-tizden duşuşyp dursak...?!

Gadryñ gaçaryndan gorkup ýörme sen,
Ak hyýaly tümlüklere urma sen,
Dünýäm garañkydeý seni görmesem,
Söýgülim tiz-tizden duşuşyp dursak...?!

Bir-birege päk gollary uzadyp,
Söýgimize böwetlere göz edip,
Her gezekde bir ýalñyşy düzedip,
Söýgülim tiz-tizden duşuşyp dursak...?!

Menden bagtly ynsan tapmarsyñ Ýerden,
Ýatdan çykar hasrat, harasat ,derdem,
Bagta ymtylmaga razylyk berseñ,
Söýgülim tiz-tizden duşuşyp dursak...?!

Güýz howasyn bahanalap ýanaşyp,
Dolan Aýy deñ ýarymdan bölüşip,
Deregine biraz kemräk sögüşip,
Söýgülim tiz-tizden duşuşyp dursak...?!

01.05.2017. Kerim Hallyýew