Bulary bilýärsiňizmi?

Balarylary üçin bal ýygnamak örän agyr zähmeti talap edýär. Bir ary 100 gram arassa baly ýygnamak üçin 1 million güle gonmaly bolýar.

Arylar baly nesilleriniň aladasy üçin ýygnaýarlar. Olara 1000 sany liçinkany (ýumurtgajyklar) iýmitlendirmek üçin 100 gram bal, 50 sany gül tozgasy we 30 gram suw gerek.

Işçi arylar ortaça 40 gije-gündiz ýaşaýar. Olar ýaşaýşynyň ilkinji döwrüni nesilleri üçin öý gurmak bilen geçirseler, bal ýygnamak wezipesini ömrüniň ahyrynda ýerine ýetirýärler.

Arylaryň gözi gowy görmeýär, olar diňe 1,5 metr aralykdaky zatlary saýgarmaga ukyply. Ýöne olaryň ys alşy güýçli ösen bolup, köplenç, gowy ysyň gelýän tarapyna uçýarlar.

Çyrlagyň gulagy aýagynda bolýar. Olaryň kömegi bilen otagdaky ýylylygy ölçäp bolýar. Bu, hakykatdanam, şeýle. Eger-de otaga çyrlak giren bolsa, onuň minutda näçe gezek ses çykarandygyny sanamaly. Ol sany ikä bölmeli we emele gelen sana 9-y goşmaly. Soňra ol sany ýene-de 2-ä bölmeli. Çykan san otagyň ýylylygyny görkezýär.