Çagany ene süýdi bilen iýmitlendirmegiň ejelere peýdalary

Ene süýdi we ene süýdi bilen iýmitlendirmegiň çaganyň saglygy üçin peýdaly boluşy ýaly, zenanyň saglygy üçin hem möhümdir.

   Makala başlamazdan ozal bellik biz medeniýetliräk bolsun diýip ene süýdi bilen iýmitlendirmek diýdik aslynda jemgyýetçilik dilinde çagany emdirmek diýip aýdylýar.

Ene süýdi we ene süýdi bilen iýmitlendirmek diňe bir çaganyň saglygy üçin däl, eýsem zenanlaryň saglygy üçinem möhümdir. Dogumdan soňky depressiýadan başlap, ýatgynyň saglygyna çenli ene süýdi bilen iýmitlendirmek ene üçin oňyn täsir edýär. Ene süýdi bilen iýmitlendirmegiň ene üçin oňyn täsirlerini sanamak islesek;

 - Ene süýdi bilen iýmitlendirmek süýt mäziniň döremek howpuny peseldýär. Angliýada geçirilen gözleg, bir ýyllap ene süýdi bilen iýmitlendirmegiň döş mäziniň döremek howpuny 4,3% azaldýandygyny görkezdi.

 - Ene süýdi bilen iýmitlendirmek, döşde süýdüň ýygnanmagy bilen baglanyşykly kynçylyklary ýok edýär.

 - Ene süýdi bilen iýmitlendirmek, çaga doglandan soň ýatgynyň dikelmegine kömek edýär. Ene süýdi bilen iýmitlendirýän wagtynda bölünip çykýan oksitosin gormony ýatgynyň täzelenmegini üpjün edýändigi sebäpli, ýatgynyň göwreliligiň öňki ýagdaýyna gaýdyp gelmegini çaltlaşdyrýar. Ýatgynyň öňki ýagdaýyna çalt gaýdyp gelmegi, düwünçegiň gan akmagyny peseldýär.

 - Ene süýdi bilen iýmitlendirmek ejelere horlanmaga kömek edýär. Ene süýdi bilen iýmitlendirýän pursatynda bazal metabolik tizlik adaty döwürden has ýokarydyr. Bu hem horlanmaga kömek edýär.

 - Ene süýdi bilen iýmitlendirmek uka gitmegi aňsatlaşdyrýar.

 - Ene süýdi bilen iýmitlendirmek, enede ýumurtgalykda düwnük keseliniň döremek howpuny peseldýär.

 - Ene süýdi bilen iýmitlendirmek, süýji keseli ejäniň gündelik insulin talabyny azaldýar.

 - Ene süýdi bilen iýmitlendirýän ejelerde revmatiki keselleriň döremek ähtimallygy azdyr.
 
 - Şwesiýada geçirilen gözlegiň netijesine görä; Uzak möhletli emdirýän eneler, menopauzadan soň az revmatiki keselleri başdan geçirýärler. 18,000 aýalyň arasynda geçirilen gözlegde, 13 aýdan gowrak wagt bäri çagalaryny emdiren aýallarda hiç wagt ene süýdi bilen iýmitlendirmedik aýallar bilen deňeşdirilende revmatoid artrit keseliniň döremegi 50% azalýar.
 
 - Ene süýdi bilen iýmitlendirmek eneleri ganazlyk howpundan goraýar. Emdirýän eneleriň gan akmagy az bolýar we ene süýdi bilen iýmitlenende aýbaşy gijikdirilýär, demir ýetmezçiligi sebäpli ganazlygyň döremegi azalýar.

 - Ene süýdi bilen iýmitlendirmek çaga bilen ejäniň arasyndaky iň berk baglanyşyklardan biridir. Bularyň ikisine mahsusdyr. Emdirýän eneleriň has asudadygy synlandy. Emdirýän enelerde süýdüň emele gelmegi bilen bölünip çykýan oksitosin gormony ene bilen çaganyň arasynda berk baglanyşygyň döremegine kömek edýär. Jynsy gatnaşykda bölünip çykýan we zenanlarda ýatgynyň gysylmagyny üpjün edýän rahatlandyryjy aýratynlygy bilen tanalýan oksitosin gormony, laktasiýa döwründe wezikulalaryň gysylmagyna kömek edýär we içindäki süýt kanallara akýar.

 - Çagasyny söýgi bilen pikir edýän enede, gipofiz mäziniň aňyrsynda oksitosin gormony bölünip çykýar we döşlere dolylyk duýgusy bilen süýt akymy başlaýar.

 - Ene süýdi bilen iýmitlendirmek eje üçin motiwasiýa tarapdan itergi we kanagatlanma berýär. Çagasyny emdirýän eje çagasynyň öz süýdünden iýmitlenýändigini görüp, ejelige bolan ynamy artýar.

Bellik: Bu bir saglyk makalasydyr. Teswirleriňizi hoşamaý dilde ýazmagyňyzy haýyşt edýäris!!!