Üç hadysy şerif
Şeýtanyň şerinden Beýik Allaha sygynyp,Allahyň ady bilen !
Namaz Allaha ynanyp iman edeniňden soňra dinimizde iň uly amalymyz bolup durýar. Ýüregiňi berip,wagt tapyp namaz okap başlamak uly iş bolup durýar. Ýöne,namaza başlanyňdan soňra ony bolmalysy ýaly edip dogry we doly birkemsiz ýerine ýetirmek üçin hem ýene adamdan gujur-gaýrat,dykgat-ünslilik talap edýär.
Namaz okanda Pygamberimiz s.a.w iň şu 3 hadysyny bilmän okan adam ony gaflatda (ýagny namazy doly we dogry derejede göwnejaý okamaz) ýaly okadygy bolar diýilýär.
1-nji hadys. Hamaz müminiň magrajydyr.
Düşündürilişi: Pygamberimiz s.a.w magraj hadysasynda Allahyň huzurunda bolup oňa Jenneti-Dowzahy görmek nesip edendir. Namazdaky Ettehyýat hem şol waka yşaratdyr. Allah 5 wagt namaz okana 50 wagt namaz okanyň sogabyny we magrajyň sogabyny berjekdir.
2-nji hadys. Mümin namazda sejde edende göýä Allahyň aýagyna sejde eden ýaly bolar.
Düşündürilişi: Allatagalaň eli-aýagy ýok,ol hiç bir ýaradylanlara meňzeş däldir. Bu ýerde ýöne Pygamberimiz s.a.w namaz okaýanyň Allaha nähili ýakyn bolýanyny musulmanlara düşündirmek maksady bilen şu mysaly getirendir.
3-nji hadys. Mümin namazda kim bilen gepleşýändigini bilse namazdan hijem aýrylmazdy.
Düşündirilişi: Namaz okaýan adam namazda namazyň sözlerini aýdyp gepläp dur diýeliň,ýöne onuň gepleşýäni kim,elbetde ol Allahdyr. Biziň bolsa namazda bar pikir-hyýallarymyz namazyň daşyndaky dünýewi zatlar. Kä wagt dagyn başga zatlaryň pikirine berilip namazdan nämä we nä mukdar okanymyz hem ýatdan çykýar. Şonuň üçin ýokarky 3 hadysa gowy düşünip,özleşdirip şony ýadymyzdan çykarman okasak inşalla namazymyz göwnejaý bolar we ol göýä okalmadyk ýaly bolup ýüzümize urulmaz. Allah barymyza dogry ýolda dogry amal edip Ahyretimizi gazanmagy nesip etsin !

Kerem Önder