Oýandym diri men asmanym ýagty,
Gör neneň gowy zat dirilik bagty,
Ertir namazy okoljak wagty,
Ak bagtyň bolmagyny diledim ýarym.

Duşuşyk güni keşbiň öňümde durka,
Päk söýgim ymtylyp mähriňe zarka,
Öýle namazyna az salym barka,
Meň ýarym bolmagyňy diledim janym.

Ykbal hasratlara bükmesin biliň,
Diňe ýagşyzada sataşsyn synyň,
Ikindi namaza münende ilim,
Gülüp ýaşamagyňy diledim janym.

Nurly günüň nury biraz solanda,
Guşlar ýatmak isläp baga gonanda,
Agşam namazynyň wagty bolanda,
Seniň jan saglygyňy diledim ýarym.

Ýassy namazyna gelende gezek,
Diýdim hiç haçan aglatma pelek,
Ýaşyň bolmagyny uzakdan uzak,
Beýik Biribardan diledim ýarym....