Alajy Bolmaz!
Kate dişler diliñ galasy bolmaz
Käte şerem iliñ belasy bolmaz
Döwletli işe zerur maslahat
Döwletsiz işiñ salasy bolmaz

Şalaryñam belli permany bolmaz
Haýyrly işiñ hiç armany bolmaz
Başarsañ diñe söýjegi söýmeli
Köýen ýüregiñ dermany bolmaz

Baýyñ sözün geñleýän bolmaz
Garybyñ sözün diñleýän bolmaz
Adamzatda wyždan bolmasa
Halaly-haramy deñleýän bolmaz

Tagam bilmän iýseñ lezzetli bolmaz
Diñe namaz okan jennetli bolmaz
Köp dost-ýardan çykmazam tamañ
Kateler kişiñ nany minnetli bolmaz

Loly söýgüsiniñ şeýdasy bolmaz
Galp harydyñ söwdasy bolmaz
Kateler yazan on bentlik goşgyñ
Bir bentlik dek peýdasy bolmaz

Köp bilýäniñem sadasy bolmaz
Ýaşlaryñam belli modasy bolmaz
Islände iýip ,islände ýatýan
Talybyñam belli kadasy bolmaz

Bir kömek edenem ýagşy bolmaz
Her saýraýandan bagşy bolmaz
Köp aýdymyñam yokdur manysy
Ol aýdymlar köñliñ nagşy bolmaz

Ähli Hemraňam Saýaty bolmaz
Başlygyñam belli diý-eti bolmaz
Mähriban enäñ , gahryman atañ
Perzendine erbet niýeti bolmaz

Ajalyñam belli pillesi bolmaz
Ýaltanyñ erbet kellesi bolmaz
Käteler ýürege atylan sözler
Ýaralar ,emma güllesi bolmaz

Her bir tapanyñam iýip bolmaz
Ölmänkäñ kepeniñi geýip bolmaz
Heniz yazan kyrk goşgym bilen
Menem özime şahyr diýip bolmaz

Ylham Gurbanaly