Arzuw etmek berilendir ynsana,
Bezäp-beslemäge durmuş dünýäsin.
Topraga sepen deý sep sen asmana,
Ýagşy niýetleriñ süýji dänesin.

Gursagyñda garramasyn umydyñ,
Goýber ony älem giñişligine.
Geler bir gün ykbalyña dolanyp,
Öwrüler hakyky küýsän keşbiñe.

Häzirki bar zatlar hyýalda başda,
Maksatdy köñülleñ cuñunda dörän.
Yhlas etgin oñatlyga garaş-da,
Myrat boljagyna ynanyp örän.

Syn kylsañ birmahal eden arzuwyñ,
Ykbalyñdan gecen däldir sowulyp.
Ýa-ha şol niýetiñ hasyl bolandyr,
Ýa-da ýar bolandyr başga gowulyk.

Şatlyk Hudaýnazarow.