Özüme Nekrolog

20?? -nji ýylda Güýz paslynyň bir güni Daşoguz welaýatynyň Akdepe etrabynyň gadymy obalarynyň birinde ýaşaýan, Öwrenmeli app-da ýazyjy satusy bolan Muhammet Mahmyt aradan çykdy. Onuň dünýäden ötmegi türkmeniň altyn asyrynyň altyn edebiýaty üçin öwrezi dolunmajak agyr ýitgidir diýsek, gaty ulaltdygymyz bolar.
Muhammet Mahmyt ömrünüň dowamynda birnäçe post goýdy. Muň garamazdan, onuň ýazan makalalaryny uçdantutma okamagyň hajaty ýok. Öňki Ädim Ädime ýazýan ýakalalarynyň ikisini okasaň, üçünji makalasynam okadygyň bolar.
Biz M.Mahmydyň akyllydygyna-da, akmakdygyna-da düşünip bilmän galdyk. Çünki, ol döwür bilen aýakdaş gitmegi başarmaýardy. Onuň ýazan makalalarynyň birinde bolmasa birinde dislike bardyr. Şonuň üçin, onuň postlary trend bolar öýtmeýäris. Umuman, Muhammet Mahmyt düşnüksiz şahsdy.
Muhammet Mahmyt tutyş ömrüni mätäç adamlara ýagşylyk etmek arzuwy bilen geçirdi. Emma, ýagşylyk edip bilmedi. Gaýtam, onuň özi ýagşylyk edilmegine mätäçdi.
Muhammet Mahmyt özüni ölen güni ady ýitjek, şol sanda , Öwrenmelidäki profili pozuljak yazyjy hasaplaýardy. Biz onuň şeýle boljakdygyna-da ynanýarys. Şonuň üçinem" Özümiz ölinçäk, biz seniň adyňy ýadymyzdan çykarmarys,ruhuňy kalbymyzda saklarys" diýp, boş wada bermekden saklanýarys.
Herniçigem bolsa, biz onuň il-güne zepersiz, neşeden-şerapdan bihabar, zähmetsöýerligine duýgydaşlyk bildirip, özüne-de:" Ýatan ýeriňde bir ýerli ýagdaýa, görä bolawergin! Ýogsam, saňa ol ýerde hem aňsat düşmez" diýmek isleýäris.


Döwürdeşlerim
27.10.2021.