Bir danadan sorapdyrlar:
— «Söýýän!» sözi diňe dilinde bolan adamlar bilen ýürekden söýýänleri nädip tapawutlandyrmaly?
Dana:
— Serediň, görkezeýin — diýipdir-de, supra ýaýypdyr.
Ilki bilen «dilinde» söýýänleri çagyrypdyr. Ýyljajyk çorba hödür edilipdir. Ýany bilen hem derwüş çemçesi diýlip atlandyrylýan uzyn saply çemçe äberilipdir.Çorbalary şol çemçäniň sapynyň ujundan tutup içmelidigi aýdylypdyr. Her kim oňardygyndan döküp-saçyp içmäge synanyşypdyr, ýöne aňyrsyna zat barmansoň, goýbolsun edip, aç gaýdypdyrlar.
Olar gidensoň, ýüz-gözleri mähirden dolup duran ýürekden söýýänler çagyrylyp, edil şol şert bilen çorba berlipdir. Olar çemçäniň ujundan tutup, biri-birlerine içiripdirler. Şeýdibem, dostlaryny doýrup, özleri-de doýupdyrlar.
Kimde - kim durmuş saçagynda diňe özüni bilip, betnebislik etse, aç galar. Töweregindäkileri doýran bolsa, dok bolar.