TOÝ GUTLAGY

Gowudyr toýlañ bary,
Nika toýy gowudyr.
Gözbaşydyr durmuşyñ,
Oglanlygyñ soñudyr.

Gelniñ bilen bileje
Bu durmuşa ätlärsiñ.
Oñuşyk başa düşer,
Eklänleri ýatlarsyñ.

Iki ýürek bir bolar,
Iki bolsañ ýeñildir.
Ykbalyñyz birleşer,
Birleşdirýän köñüldir.

Ene size guwanar,
Gülüp-oýnap gezseñiz.
Ata size ynanar,
Synaglara dözseñiz.

Bir-birege guwanyñ,
Derek bakar derege.
Dakylsyn nika ýüzük,
Barmaga däl, ýürege!