Göroglydyk, kör boldukmy doganlar,
Haramy ynjaman çeýnäp başladyk.
Belent başymyzy gysyp eginler,
Ejizligi ýarag eýläp başladyk.
Artyk çekdirenok oýnaklap, näzin,
Hormatlap mukkaddes saçagyñ duzun.
Şonda-da çañ gözläp üstünden buzuñ,
Bir töre, on aýal peýläp başladyk.
Toýlaryñ iñ süýji lezzetin döwüp,
Sadakadan soñam "mollasyn kowup",
Sogaplary ajy şeraba ýuwup,
Şeýtan bilen gülüp, oýnap başladyk.
Biz çyndanam Oguz handan öndükmi,
Ýa türkmençiligi agyr gördükmi?
Heý ýigrim bir ýaşda çaga boldukmy,
Boý:n almagam mertlik,
Ownap başladyk.
"Eýtdik, beýtdik" diýmekde ýok netije,
Eý türkmen, gursagñy diñläp gör birje.
Bagt, söýgi hakda ýazjakdym niçe,
Ahlak eýgertmedi, gaýnap başladyk.
( kerim hally)