Bilýärin bu ýoluň şertleri agyr,
Bu ýoldan ýüzugra ötüp bolmaýar.
Garaýşy rehimsiz,dertleri agyr,
Bu ýoldan arkaýyn geçip bolmaýar.

Yzyma dolanyp näme edeýin,
Sözler haraý isläp gygyryberse?
Hudaýym men nädip uka gideýin,
Düýşümde-de Hydyr çagyryberse.

Indi dertler maňa yasaýar çygyr,
Ötegçi duýgudan gaçyp barýaryn.
Ýene yüregimde gülleýär şygyr,
Özümem özümden geçip barýaryn.

Barybir ýyllara beräymezdim ten,
Özge menzillerde galardym dertde.
Taňrym,kysmatymdan müň bir razy men,
Bu ýol öňde-soňda Özüňe eltse...

Awtor:Behzod Fazliddin