Men şahyr boldummy?!

Bilbile dilimden öpdüreniň çyn,
Gursakda düldüller çapdyranyň çyn.
Muny kim bilyärka özümden özge,
Hany mende gaýrat durmuşa ýakyn?

Men şahyr boldummy?!

Setirlem garjaşyk, bentlerim gury,
Häzir-ä kükrek boş,ýok kalbyň nury,
Eger men ýanmasam,il nädip ýansyn?
Sözümde alaw ýok, öçüpdir gory.

Men şahyr boldummy?!

Maňa çogy ýetik köz ber, Hudaýym,
Mysalasy nurly ýüz ber,Hudaýym!
Özüň ähli sözi aýdyp bolupsyň,
Berseň,oklary köp söz ber,Hudaýym!

Men şahyr boldummy?!