Keşdeler

Baksaň ýatladyp dur jennet mekany,
Näzik kalplarmyza siñen keşdeler.
Türkmen zenanlarnyň ýürek mukamy,
Söýgüsini beýan eden keşdeler.

Baharyň ýakymly ýellerne kybap,
Gülleň baldagyndan sallançak gurap,
Çigildemler birenaýy ülpüldäp,
Sünnälenen,nepis,inçe keşdeler.

Sary,gyzyl,mawy,gülgüne güller,
Her bakanyň göwni göge göterler.
Asman tämiz,sähra uzmyş diýerler,
Älemgoşar öwüşginli keşdeler.

Çaňňa,dyrnak,gülýaýdy hem-de tegbent,
Hersi özbaşyna taryh hem sungat.
Geçmişiň ýumagny çözleýän gurbat,
Milli mirasymyz bolan keşdeler.

Goşgunyň awtory:Ogulnabat Ataýewa