Sacak ýygnaldygy gybat bașlanýar,
Topby, ýalyk, aýak uja tașlanýar,
Gülküleri goňșy jaýa eșdilýar,
Üýșülende aýaldoganlar bilen.

Hersi gürrüň berýär bolan wakany,
Boșadyarlar içi çaýly käsäni,
Wada berip, doldurýarlar kisäni,
Üýșülende aýaldoganlar bilen.

"A gyz"dan bașlanýar gürrüňleň bașy,
Saýlanok kiçini ýa uly ýașy,
Tomașa öwrülýär töwerek-dașy,
Üýșülende aýaldoganlar bilen.

Çagalarnyň hersin bir ýan kowarlar,
Bir-birlerni taryp edip owerler,
Șol gijäni șeýdip hezil sowarlar,
Üýșülende aýaldoganlar bilen.

Ogulnabat ýazýar wasp edip sizi,
Öte geçen bolsak geňlemäň bizi,
Siz bilen ýylgyrýar dünýäniň ýüzi,
Üýșülende aýaldoganlar bilen.

Goșgunyň awtory:Ogulnabat Ataýewa.

Göwnüňize ýarandyr diýip umyt edyan mähriban okyjylam😊👋📃