Anjelina arylar bilen surata düşdi

Hollywood-yň ýyldyzy, dünýä belli aktrisa Anjelina Joli bal arylaryň ähmiýetine ünsi çekmek maksady bilen üstüne gonan arylar bilen surata düşdi. Her ýylyň 20-nji maýy Arylaryň güni hökmünde bellenilýär. Arylaryň çakmazlygy üçin surat garaňky ýerde düşürildi. Anjelidan başga, surata düşürýänleriň ählisi arydan goranmak üçin ýörite eşik geýdiler. Joli bolsa 18 minutlap üstünde arylar bolan ýagdaýda hereketsiz durdy.
Anjelina Joli balaryçylygy ösdürmäge goldaw bermegi maksat edinýär. Munuň üçin taýýarlanan maksatnamanyň çäklerinde iýun aýynda Fransiýanyň Prowans sebitinde zenanlara balaryçylyk okuwy berlip başlanar. Bäş ýyllap dowam etjek maksatnamanyň çäklerinde 2 müň 500 balary ketegi gurlup, 125 million ara ideg ediler. Bu okuwa Italiýadan, Russiýadan, Sloweniýadan, Kambojadan, Efiýopiýadan, Ruandadan we Hytaýdan aýal-gyzlar gatnaşar. 30 gün dowam etjek okuw maksatnamasyna 50 zenan gatnaşar. Anjelina Joli ynsanperwer guramalara goldaw bermegi bilen tanalýar.