Mazarystanda 2

Ol ýatan nähili adamdy kaka?
-Gyzyldeý adamdy niýeti ýagşy.
Bu ýatan nähili adamdy kaka?
Gymmatçyl diýmeseň,bagşydy bagşy.

Ol çetdäki aýal neneňdi kaka?
-Mertdi,ary üçin ärden geçipdi.
Bu zenana bahaň neneňsi kaka?
Onda baha ýokdy göwni açykdy.

Ol ata nähili atady kaka?
-Sadady, kösenip ötürdi ömrün.
Ol ene nähili enedi kaka?
-Mähremdi göteren bolmady göwnün.

Kaka,onda neçüýn diri adamlar,
Dürli gylyklara paýlanýarkalar.
Bularyň bary gowy ynsan bolsalar,
Ebetler nirede jaýlanýarkalar?