Uky lukmany Maksim Nowikow smartfonyň uka täsiri hakynda, näme üçin ýatmazdan ozal smartfon ulanmaly däldigi barada aýtdy.
Lukman ýatmazdan bir-iki sagat öň smartfona güýmenmegiň gowy däldigini aýtdy. Nowikowyň aýtmagyna görä, bu ýagdaý nerw ulgamyny gyjyndyrýar, oýarýar. Uklamak üçin bolsa nerw ulgamynyň rahatlamagy gerek bolup durýar. Şeýle hem, lukman agşam smartfonyň ekranynyň ýagtylygyny peseltmegi maslahat berdi. Onuň pikiriçe, smartfonyň ekranyndan çykýan güýçli ýagtylyk "uky gormony" melatoniniň öndürilmegine ýaramaz täsir edýär.
“Habarlara we islendik dartgynly hadysalara tomaşa etmegi ertire goýanyňdan gowusy ýokdur. Telefony ýanyňa alyp ýatmak hem bolmaýar. Mundan başga-da, telewizora tomaşa etmek, hatda kagyzdan hat okamak ýaly işler hem düşege geçmezden öň edilmelidir..."-diýip, Nowikow belleýär.
Şeýle hem ol saý-sebäp bilen gijäniň ýarynda oýanaýsaňyz hem telefona seretmezligi maslahat berýär.
1
