Diller barada täsin maglumatlar



Käbir dilde örän az adam gepleşýär. Hatda, bary-ýogy 50-60 adamyň bilýän dilleri hem bar.

Papua-Täze Gwineýada rotokas dilinde gepleşýän 4300-den gowrak ilat ýaşaýar. Rotokas elipbiýinde 11 harp bar.

Kambojanyň resmi dili bolan hmerçede 74 harp bar.

Rus dilinde «A» harpy bilen başlaýan sözleriň aglabasy beýleki dillerden geçendir.

Ispançada sorag sözleminiň başynda hem-de soňunda sorag belgisi goýulýar. Olaryň biri adatdakysy ýaly sözlemiň soňuna, beýlekisi başaşak görnüşde sözlemiň başyna goýulýar. Mysal üçin, «Nähili ýagdaýlaryňyz?» manysyndaky söz şeýle ýazylýar: «¿Cómo estás?». Ýüzlenme sözlemleri hem şeýle.

Arap we pars dilleri sagdan çepe ýazylýandygy üçin sorag belgisi tersine (؟) goýulýar. Grekçede bolsa, sorag belgisiniň ýerine nokatly otur (;) goýulýar.

Iňlis edebiýatynyň iň irki ähmiýetli eseri «Beowulf» poemasy hasaplanýar. Gadymy iňlis dilindäki bu eseriň IX-X asyrlarda ýazylandygy çaklanylýar.

Her ýylda iňlis diliniň sözlügine müňe golaý täze söz girizilýär. Iňlis dilini öwrenmekde iň ygtybarly çeşmeleriň biri hasaplanýan Oksford sözlüginiň geçen aýdaky nusgasyna 400 sany täze söz girizildi.