70 ýyldan soň suwdan “çykan” oba

Mundan 70 ýyl ozal Italiýanyň demirgazygyndaky dag jülgesinde iki tebigy kölüň ýerinde emeli suw howdany döredilipdi. 1950-nji ýylda bu ýerde gidroelektrik stansiýasy gurlanda Kuron atly oba suwuň aşagynda galypdy. 1000 töweregi ilaty bolan obada 160-dan gowrak jaý bardy. Ýerli ýaşaýjylar goňşy şäherçelerde täze jaýlar bilen üpjün edilipdi. Obanyň ýaşaýjylarynyň köpüsi bolsa, bu howdanyň golaýynda täze oba gurup, şol ýeri mesgen tutunypdylar. Häzirki wagtda bu oba tebigy gözelligi bilen jahankeşdeleriň arasynda hem meşhurdyr.

Ýaňy-ýakynda suw howdanyndaky abatlaýyş işleri geçirilende, onuň suwy boşadyldy we düýbünde galan oba peýda boldy. Suwuň ýüzünde peýda bolan taryhy diň we beýleki jaýlar täsin gözelligi emele getirdi